專業咖啡知識交流 更多咖啡豆資訊 請關注咖啡工房（微信公衆號cafe_style ）

• 呢間cafe種草一段時間，名字、環境、食物都系一級文青感覺，上個月去深圳玩嘅時候，專程同朋友過去。
   
  （後來發現最好不要人多一齊去，三兩個朋友便好，因爲人多，講野就自動大聲起來，我地變得好嘈啊 lol）
   
  位於石廈地鐵站附近嘅商廈38樓，福田口岸過去都方便的，cafe位置唔多，幾張高臺、圓臺，仲有圍住窗邊嘅位置，腿長坐得較辛苦
   
  裝潢設計簡約，38樓加上大玻璃，望出去都系福田到深圳灣嘅高樓。
   
  景就冇乜，但天色好系幾靚的，晚上系另一番景象。所以一路都見到好多女女狂chok影相，加上系週末，真感覺有點太多人，不太舒適，未能享受
   
  文青感直線下降，平日相信會靜啲，適合放空發呆
   
  餐牌只有蛋糕 飲品以咖啡、果茶爲主，折算港幣價錢都唔平，食物飲品質素普普，主要系賣環境的吧（？）
   
  桃花冰茶、元氣冰橙茶 RMB¥33
   
  手衝咖啡 RMB¥38
   
  果茶都系普通味道，類似茶木𠮶種，果味重，茶唔夠濃。
   
  咖啡一律手衝，並冇拿鐵摩卡卡布呢啲，友人隨便點了一杯columbia。
   
  天空之城龍貓卷 RMB¥35
   
  本來系想點玫瑰形嘅百香果黑朱古力蛋糕，不過見到龍貓就變心了
   
  蛋糕卷都算鬆軟，裏面有柚子絲，相機食先爲主，性價比唔高。
   
  其實國內而家都有好多cafe都好靚，地方大 食物都唔差的，我收藏一堆想瘋狂去，等我啊——
   
  深圳高空咖啡館-空Kong
   
  地址：石廈北二街新天世紀商務中心A座3801室 （地鐵3號線/7號線 石廈站 A/F出口）