中國大陸有位大叔直播嘅時候偷換概念將花魁產自罕貝拉產區，罕貝拉最早翻譯為藝伎，藝伎後於大陸範圍內翻譯為瑰夏，然後直接得出“花魁=藝伎=瑰夏”嘅荒謬結論。花魁、藝伎都係古時嘅青樓女子，但將花魁等同於藝伎簡直就係離曬大譜，花魁係Hambella，而藝伎係Geisha，兩者大纜都扯唔埋。

藝伎咖啡

講到藝伎咖啡豆，現今最為大熱嘅係來自巴拿馬嘅藝伎，而巴拿馬藝伎第一次出現係中國大陸就多得咖露夢咖啡嘅袁先生了。

大家都知道藝伎咖啡品種源自於埃塞俄比亞嘅卡夫（Kafa）森林，1932年藝伎咖啡豆輸出到肯尼亞，1936年到烏幹達以及坦桑尼亞，1953年到達哥斯大黎加嘅CATIE並標記為T2722。後來於20世紀70年代由弗朗西可．賽拉新引進到巴拿馬種植。但由於藝伎咖啡品種係巴拿馬嘅時候產量實在低，被當作防風樹。直到2004年巴拿馬翡翠莊園將藝伎咖啡豆送去參加BOP（Best of Panama）比賽並奪得冠軍，從此藝伎咖啡一夜成名。

花魁咖啡

返到花魁咖啡嘅話題上，前街嘅花魁來自罕貝拉（Hambella）產區，而罕貝拉產區為谷吉（Guji）產區，而谷吉以及西阿爾西（West Arsi）係西達摩最著名嘅咖啡種植區域。

西達摩產區嘅咖啡生豆多數採用日曬處理法，前街認為日曬處理法的西達摩咖啡豆具備濃鬱果香以及順滑口感。

2017年嘅TOH（the Taste of Harvest）生豆比賽上，一款來自罕貝拉“Buku Abel”處理廠嘅日曬批次埃塞原生種咖啡豆以濃鬱草莓與奶油香氣一舉斬獲2017年TOH日曬組冠軍，而花魁之名就係專指2017年TOH日曬組冠軍嘅豆。

同年同批次嘅生豆由北京生豆貿易商引進後，得名「花魁」，寓意百花魁首，風姿妖嬈。2017年嘅世界咖啡沖煮比賽上，中國區亞軍選手李建飛用同批次嘅花魁咖啡豆擊倒眾多參賽選手嘅藝伎咖啡，一時令人對花魁刮目相看，從此眾人認識花魁一詞。

自從花魁奪得2017年TOH日曬組冠軍，埃塞當地DW公司係罕貝拉嘅核心產區Dimtu設置更多嘅處理廠，旗下分別有Buku Abel、Buku Saysay、Haro Soresa、Tirtiro Goye，年產量約為1100噸。若要細究種植區域以及處理廠嘅話，只有Buku Abel處理廠處理區域當中嘅先係當初出產2017年TOH日曬冠軍「花魁」嘅小產地。

後來，2018年推出咗花魁2.0，2019年又出咗花魁3.0與3.1，2020年則係花魁4.0，到咗2021年係花魁5.0。

由此唔難睇出，花魁嘅命名方式係根據年份嘅。但雖著處理廠嘅曠張以及產量嘅增長，其風味同當初2017年嘅花魁有明顯差別。但前街係2018年同2019年兩個年份中飲到同2017年花魁相似嘅風味，只係純厚度與餘韻上有所不及。前街發現2017年花魁香氣嘅主要來源係花魁咖啡豆中一D特別細粒嘅品種，而係2018年、2019年嘅花魁中同樣發現類似嘅細粒咖啡豆。從2020年開始，處理廠又將小粒花魁獨立處理，而小粒花魁並唔屬於【X.0】嘅系列裡面，DW公司將小粒品種單獨區分處理，形成小粒花魁咖啡豆。

小粒花魁與花魁5.0對比

前街嘅小粒花魁與花魁5.0為2021年新產季嘅咖啡豆，從生豆外觀上對比，小粒花魁咖啡豆嘅個頭明顯係比花魁5.0細，兼且細小顆粒嘅咖啡豆佔比明顯比花魁5.0要高。

前街係花魁5.0與小粒花魁攞到手之後亦立即進行杯測對比。經過杯測後，前街發現小粒花魁具備更加濃鬱嘅草莓香氣以及莓果甜感；而花魁5.0嘅莓果酸更為活躍，酸質亦更為明亮。從杯測結果上睇，小粒花魁嘅風味更加接近2017年花魁嘅風味，而花魁5.0更偏向於谷吉產區風味（莓果酸、花香、果汁）。

花魁咖啡點沖好飲？

花魁就係花魁，但係沖煮嘅方法五花八門，接下來，前街就為大家介紹5種沖泡嘅方式。

【V60滴濾萃取】

V60得名與濾杯60度角嘅錐形設計，底部大孔徑設計令大家可以通過控制水流從而控制咖啡嘅風味萃取時間。為咗唔冇令水流速過快，前街建議採用中細研磨度（20號篩網通過率80%）15克咖啡粉。為咗更好咁呈現出花魁嘅果汁感以及果香，水溫上建議採用93攝氏度，沖煮手法上可以採用三段式慢繞圈細水流注入。

第一段注入30cc水濕潤咖啡粉進行30秒悶篜，注入第二段水至125cc進行分段，待濾杯中水位降至即將見到分層即可注入第三段水至225cc，等濾杯中水完全滴落即可移走濾杯，總萃取時間2’00”。

其呈現嘅風味為：混合莓果香氣，奶油草莓與百香果嘅酸甜，甜感明顯，口感飽滿。

【聰明杯泡濾萃取】

聰明杯底部分兩層，外層支撐，內層帶開關控制閥。當閥門緊閉，濾杯中咖啡粉浸泡於水中。浸泡完成後，將濾杯置於容器上，閥門開，咖啡液流入容器。由於係浸泡式，前街建議研磨度上可以採用中度研磨（20號篩網通過率75%）15克咖啡粉，水溫90攝氏度，注水方式可以為中心細水流注入。第一段注入30cc水完全濕潤咖啡粉進行30秒悶篜，然後注入第二段水至225cc停止，待1’50”後移至容器上開閥過濾出液體。

其風味上同樣有莓果香氣，草莓果汁感更飽滿，口感如奶油般順滑，紅茶餘韻。

【法壓壺浸泡萃取】

法壓壺主要係靠浸泡嘅方式萃取咖啡，浸泡嘅時間越耐，咖啡中萃出物質越多直至飽和，即係話越耐越濃。同時，由於係金屬濾網，其咖啡液保留嘅油脂更多，令到最終成品更順滑。為咗避免過萃，前街建議研磨度採用中粗研磨（20號篩網通過率70%）15克咖啡粉，225cc水，水溫建議92攝氏度，浸泡時間4分鐘。

其風味為混合莓果香氣，複合果汁感，奶油順滑口感明顯，整體飽滿醇厚。

【愛樂壓加壓萃取】

其構造為壺身、濾蓋、活塞壓筒三大部分，將15克咖啡粉同熱水到刻度4位置充分混合一分鐘後，以壓筒擠壓空氣，穿透濾蓋萃取風味乾淨嘅咖啡。由於屬於短時加壓萃取，前街建議研磨度為細研磨（20號篩網通過率90%），水溫為90攝氏度。

其風味具備飽滿莓果酸香，甜感明顯，口感如奶油般順滑，乾淨度高，紅茶感明顯。

【冷水浸泡萃取】

冷水浸泡即係冷泡咖啡，亦係冷萃嘅一種。前街發現，冷泡嘅方式令咖啡嘅各種風味與香氣放大，減低酸度，提升咖啡整體嘅醇厚度。由於係低溫萃取，前街建議研磨度採用中細研磨（20號篩網通過率85%），浸泡時可用常溫水亦可用冰水。30克咖啡粉加入450cc常溫水，充分攪拌後放入冰箱冷藏12小時。萃取結束後用濾紙將咖啡渣過濾即可飲用。

其風味為複合果汁酸香，飽滿莓果果汁感，有百香果般嘅發酵香，酸甜平衡，整體飽滿兼醇厚。