【下一個Super Food】 超新星Coffee Flour咖啡果粉你知道嗎？

　　提起Super Food，你一定知道Quinoa藜麥、Kale羽衣甘藍，因爲周街都有得賣，不過Coffee Flour咖啡果粉你又聽過未？

 

　　近年美食界極力鼓吹一件事，減少食物浪費，不論處理食物同食材，喺預備過程、製作過程都尋求更節能嘅方法，各界廚師當然嚮應，而且科技的進步，亦將過去看似系“豬頭骨”而遭丟棄的食材重生，成爲一種各界廚師趨之若騖的創新食材。

　　最佳例子，就係前Starbuck 工程師 Dan Belliveau 研發的Coffee Flour，將乾燥後的咖啡果肉磨成粉。咖啡果（Coffee cherry）本身系粒又紅又細嘅果實種子，咖啡果肉包住咖啡豆，平時我地飲嘅咖啡，來自咖啡豆，當拎走粒咖啡豆後，其實咖啡果都會當成廢物丟棄。有研究指出，每處理100 公斤的咖啡果，會浪費掉 40 公斤的果肉，而全球每年生產高達 1 億 4 千萬袋咖啡豆，每袋60公斤，咁你話個數字到底有幾恐怖？

　　就營養而言，咖啡果粉無麩質、抗氧化，纖維量系全麥麪粉的五倍，蛋白質則是羽衣甘籃的三倍，每克含鐵量比菠菜仲要高，已經成爲最新超級食物嘅美譽。食用方面，應用就如麪粉，帶重堅果甘甜，所以一般都系用嚟整蛋糕、曲奇等甜食，配搭朱古力更帶風味加乘。而且各個產區嘅咖啡果實，做成的咖啡果粉味道都不一樣，特色就如咖啡豆一樣。

　　世界各地好似紐約、日本等地，都有越黎越多公司應用咖啡果粉，研發呢種食材嘅可塑性，相信好快你就會喺香港見到成街都有賣咖啡果粉。

 

　　http://www.coffeeflour.com/