【帶女友去一定嬲系列】北上發現僞港女咖啡店 LADY 7

作者：未知來源：咖啡豆: 咖啡新聞 > 咖啡資訊 > 2024-12-22 11:43:11

專業咖啡師交流請關注咖啡工房（微信公衆號cafe_style ）早排識咗個女仔，明知佢一直都好想食間港女咖啡店Lady乜（按：應該系紐約的精品蛋糕店）你知啦，住大西北天水圍，北上落馬洲快過去中環，雖然嗰間Lady乜喺沙田開咗分店，不過日日條龍長過輪長者米，點食先？


花費我一輪心思後，我發現深圳都有間睇落同佢有9成似嘅港女咖啡店，咪特登同佢探下險。除咗個招牌怪怪的，但裏面嘅雲石紋枱、白色主調、貴氣茶具、千層蛋糕，樣樣都似到十足十，而且仲有香港店無嘅方型吐司（其實香港都有其他咖啡店賣），店內仲有一面（假）花花牆，相當容易影到呃like嘅相。

睇睇餐牌，甜品大堆頭，又千層蛋糕又吐司，無啦啦有「名廚主理」呢個位，一貫大陸式嘅派頭，嗰位大叔感覺好親切，好似我樓下酒樓斬叉燒個師傅。揀唔落手，不如就點招牌貨就好，先來一個千層蛋糕。


講到食，外表睇落同香港嗰間千層蛋糕無咩分別，仔細看就會端倪，首先就係忌廉真系超級厚身，食完系會實時覺得膩，而且唔夠凍，cream仲有少少溶溶地嘅感覺，女伴食完有會有少少皺眉頭。


好啦，咁唯有食蜜糖吐司啦，味道反而有驚喜，吐司烤得相當仔細，每小方都四邊均勻，不過裝飾用嘅朱古力應該系我食過最難食嘅一款，蜜糖唔算太甜，不過其他醬就甜到漏，同樣有無可比擬嘅飽肚感。

系咁上網睇網check咗下，發現LADY 7 喺深圳2012年已經開店，雖然原來已係系舊聞，仲早過香港M字頭（按：2015到港）喺香港鋪。（本文純屬虛構，如有雷同，實屬不幸，若有性趣挑戰，歡迎北上尋歡... 樂）